ချင်းရန်ပုံငွေအဖွဲ့ အကြောင်းအကျဥ်း

အပြည်ပြည်ဆိုင်ရာ ကန်ပက်လက်ကွန်ယက် (International Kanpetlet Network - IKN) မှ Digital Based Lucky Draw Program ကို စတင်မိတ်ဆက်ခြင်းမှ လှုပ်ရှားမှုစတင်လာခဲ့သည်။ လှုပ်ရှားမှု ပထမဆုံးခြေလှမ်းအဖြစ် ၂၀၂၁ ခုနှစ်၊ အောက်တိုဘာလ (၂၆) ရက်နေ့တွင် ပြည်တွင်းပြည်ပချင်းအဖွဲအစည်းများနှင့် တက်ကြွလှုပ်ရှား သူများ Zoom မှတဆင့် တွေ့ဆုံမှုများပြုလုပ်ပြီး Chin Revolution Funding Program ဖြစ်မြောက်ရေး ကော်မတီကို စတင်ဖွဲစည်းနိုင်ခဲ့သည်။ 

ထိုအပြင် အကောင်အထည်ဖော်မည့် လုပ်ငန်းအဖြစ် Digital Lucky Draw အစား “တူမီးထီ” (Chin Digital Lottery) လုပ်ငန်းကို အကောင်အထည်ဖော်ရန် အစည်းအဝေးတွင်ပါဝင်များ အားလုံးသဘောတူ ဆုံးဖြတ်ခဲ့ကြပါသည်။ ဖြစ်မြောက်ရေးကော်မတီသည် လုပ်ငန်းများကောင်းမွန်စွာ အကောင်အထည်ဖော် လည်ပတ်နိုင်ရန် လိုအပ်သည့် 

• မူဝါဒများရေးဆွဲ ချမှတ်ခြင်း၊ 
• Chinland Joint Defense Committee နှင့် Interim Chin National Consultative Council တို့ထံသို့ အဖွဲ့လုပ်ဆောင်ချက်များ အလွတ်သဘောတင်ပြဆွေးနွေးခြင်း အပါအဝင် 
• ပညာရှင်များ၏ အမြင်သဘောထားရယူခြင်းများ လုပ်ဆောင်ခဲ့သည်။ 

ထိုနောက် ၂၀၂၁ ခုနှစ်၊ ဒီဇင်ဘာလ (၁၉) ရက်နေ့တွင် ဗဟိုအလုပ်အမှုဆောင် ကော်မတီရွေးကောက်ပွဲကျင်းပ၍ Chin Revolution Funding Program အမည်ဖြင့် တရားဝင်ဖွဲ့စည်းခဲ့ပါသည်။ အဖွဲ့အစည်းတရားဝင် ဖွဲ့စည်းပြီး 

• ဖွဲ့စည်းပုံအတည်ပြုခြင်း၊ 
• လုပ်ငန်းအတွက် Guideline များရေးဆွဲအတည်ပြုခြင်းများပြုလုပ်ခြင်း၊ 
• နိုင်ငံတကာတွင်ရှိသော ချင်းအဖွဲအစည်းများနှင့် တွေ့ဆုံခြင်း၊ 
• NUG စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာနနှင့် တွေ့ဆုံခြင်း၊ 
• CRPH မှ တာဝန်ရှိကိုယ်စားလှယ်များနှင့် တွေ့ဆုံခြင်းများပြုလုပ်ပြီး အကြံပြုချက်နှင့် လမ်းညွှန်မှုရယူခြင်းများ ဆောင်ရွက်ခဲ့ပါသည်။ 

အဆိုပါ တွေ့ဆုံဆွေးနွေးမှုများ၏ အကြံပြုချက်များ အရ အဖွဲ၏အမည်နာမဟောင်းဖြစ်သော ချင်းတော်လှန်ရေးရန်ပုံငွေအဖွဲ့ - Chin Revolution Funding Program ကို ချင်းရန်ပုံငွေအဖွဲ့ - Chin Relief Funding Program အဖြစ် ဧပြီလ (၄) ရက်နေ့တွင် ပြောင်းလဲခဲ့ပါသည်။ ချင်းရန်ပုံငွေအဖွဲ့ - Chin Relief Funding Program ၏ ပထမဆုံး စီမံကိန်းဖြစ်သည့် “တူမီးထီ” (Chin Digital Lottery) အစီအစဥ (htts://chin-lottery.com) ကို ဧပြီလ (၁၁)နေ့တွင် စတင်ဖွင့်လှစ်ရောင်းချ လျှက်ရှိပါသည်။